search

.

Tuesday, 16 October 2012

MVUA YAHARIBU MAKAZI YA KAYA 21

MEYA WA MANISPAA YA MUSOMA ALEX KISULULA AKIANGALIA BAADHI YA NYUMBA ZILIZOHARIBIWA NA MVUA KUBWA ZINAZOENDELEA KUNYESHA MKOANI MARA NA MAENEO MENGINE YA NCHI

WAKAZI WA MTAA WA BUKOBA KATIKA KATA YA BWERI AMBAO HAWANA MAKAZI KUTOKANA NA NYUMBA ZAO KUEZULIWA NA UPEPO ULIOAMBATANA NA MVUA KUMBWA

 
Mmoja wa wakazi akitoa maelezo kwa Mwandishi wa ITV George Marato
JUMLA ya kaya 21, Kata ya Bweri, Manispaa ya Musoma Mkoa wa Mara
zimekosa mahali pa kuishi baada ya nyumba zao kuanguka kutokana na
upepo mkali na mvua kubwa ya mawe iliyonyesha Oktoba 11 mwaka huu.

Waandishi wa habari wakiwa na Meya wa Manispaa hiyo Alex Kisurura
walifika katika eneo lilioharibiwa ambapo ilishuhudia wakazi wa nyumba
hizo wakiwa nje ya nyumba zao huku wengine wakifanya juhudi ya
kukarabati ili kuweza kujisitiri.

Baada ya kufika eneo hilo baadhi ya wananchi walisema kuwa mvua hiyo
kabla ya kunyesha ulianza upepo mkali pamoja na vumbi kama moshi kasha
mvua kubwa iliyoambatana na mawe.

“Kwanza ulianza upepo mkali ulioambatana na vumbi kubwa kama moshi
kasha ilikuja mvua kubwa iliyonyesha kama saa moja hivi ambapo
ilisababisha nyumba zetu nyingi kuezuliwa na nyingine kuanguka kama
unavyoona,”alisema Matiku Zakaria.

Baada ya mvua hiyo kuisha mali za wakazi hao hazikujulikana dhamani
yake zilikuwa zimeharibiwa vibaya ingawa hakuna mtu aliyejeruhiwa kwa
kuwa mvua hiyo ilinyesha jioni.

Wakazi walifikwa na maafa hayo ni Matiku Kitogoro, Zakaria Kitogoro,
Manyonyi Kitogoro, Fredrick Ibaso, Albinus Ogono, Kibaso Itinde,
Itende Warioba na Mwalimu Kanoga.

Wengine ni Nyamamba matiku, Joseph Magoti, Ghati Regu, William Julius,
Wambura Itinde, Mashaka Mbeshi, Nyamoko Magoti na Bahati Itinde na
nyumba zingine tano zilizokuwepo katika mtaa wa Rwamlimi katika kata
hiyo.

Diwani wa kata hiyo Shaban Sondobi alisema kuwa baada ya maafa hayo
alipigiwa simu na kwenda kuona uharibifu huo sambamba na kumtaarifu
meya wa manispaa hiyo.

Naye Meya Kisurura amewaagiza watendaji wa kata hiyo kuwapatia Elimu
juu ya ujenzi salama wa nyumba hasa kipindi hiki ambapo watabiri wa
hali ya hewa wametoa taarifa kuwa nchi nzima itakuwa na mvua kubwa.

“Watendaji ebu anzeni kutoa Elimu kwa wakazi wenu kabla hawajaanza
kujenga na hata hivyo nyumba nyingi tulizotembelea zimechoka sana
lakin pia jitahidini kutoa habari mapema mamlaka husika panapotokea
maafa kama haya.

Kisurura amesema kuwa taarifa tayari imefika katika kamati ya maafa ya
manispaa hiyo ili kufanya tathimini ili kuweza kuwasaidia wakazi hao
lakini pia ametoa rai kwa wananchi wanaoishi mabondeni kuhama kabla
hawajafikiwa na maafa ya mafuriko.

0 comments: